بسم الله والحمد لله والصلاة والسلام على رسول الله صلى الله عليه وسلم
اما بعد
وقال عليه الصلاة والسلام: (الدين النصيحة قالوا: لمن يا رسول الله قال: الله ولرسوله ولكتابه وعامة المسلمين وخاصتهم).
فالنصيحة لله، باتباع أمره، ونصرة دينه، والتسليم له في حكمه والنصيحة لرسوله صلى الله عليه وسلم باتباع سنته وإكرام قرابته والشفقة على أمته
والنصيحة لكتابه، بتدبر آياته، واتباع مأموراته، وتحسين تلاوته.
والنصيحة لعامة المسلمين، بالذب عن أعراضهم، وإقامة حرمتهم والنصرة لهم في جميع أحوالهم، جلبا ودفعا.
والنصيحة لخاصتهم، بالطاعة للأمراء، إلا في محرم مجمع عليه، والتصديق للعلماء إلا فيما لا يهدي العلم إليه، وللفقراء بالتسليم فيما لا إنكار يجب عليه.
وبعد هذة المقدمة المنقولة
اقول
كل من يدخل المنتدى يسأل نفسه الان ولا يسقط عن نفسه
1-انت على النت لية
2-انت فى المنتدى ليه
3- كام موضوع عملته ينصر الاسلام
4-مين قدوتك
5- مين كبيرك
6- انت بترد على المشاركات ليه
7-انت انت بترد على المشاركات من غير م ما بتقرأها ليه
8- انت لما بتعمل موضوع وتلاقى محدش رد عليك والموضوع تم تحميله كتير بتغضب ليه انت عامله لله ولا لثناء الناس
9- انت بتذكر الله وانت قاعد على النت ولا من الغافلين
10- انت بتدعوا الى الله على النت ولا بتضيع وقت
11-هل تحب ان تلفت نظر الناس ليك
12- انت بترد على المواضيع من غير مبتقرأها ليه ولا بتحملها لية بتجامل الناس ولا ايه
13-انت مراقب من قبل الله نسيت ولاايه
14- انت دايما بتحب الى يوافقك وتكره الى يخالفك لية
15- انت بتعظم شيخك وترفعه على جميع المشايخ ليه
16- انت ما بتتعلمش ليه
17- انت دايما لما بتعمل موضوع والناس بتمدح فيه بتفرح ولما الناس يقدحوا فى موضوعك تغضب ليه
18- من علامات الاخلاص يستوى عند قدح القادح ومدح المادح
19- انت دايما تنسيىء الظن بغيرك ليه
20-انت دايما بتحسن الظن بنفسك ليه
21- انت مقصر فى عباداتك ليه
22-انت اخلاقك مع اخوانك سيئة ليه
23- انت لما تعرف سنة ما بتعملهاش ليه
24-انت لما بتعرف انك على غلط مبترجعش ليه
25-انت دايما بتستهزء من الناس وبتسخر منهم ليه
26-انت بتحب الناس تعمل لك حساب وتقوم وتقعدك مكانها ليه
27-انت بتدعى للمخالفين لك بالهداية ولا بتلعنهم
28-انت بتصد عن سبيل الله بأخلاقك ليه
29- كام واحد دخل الاسلام على ايدك ؟
30-كام واحد دخل الالتزام على ايدك ؟؟
جاوب على كل حاجة بينك وبين نفسك
انا مش عاوز منك رد
انا بنصح نفسى بصوت عالى لأن كل الحجات دى فية وبدعوا ربنا يخلصنى منها
السبت يناير 23, 2010 2:14 pm
